ტორტი

მომზადება

1. 01

   1. ინგრედიენტების მომზადება და გაცალკევება ნაბიჯი 1: მოამზადეთ 6 ცალი ოთახის ტემპერატურის კვერცხი, 1 ჭიქა (200 გრ) შაქარი და 1 ჭიქა (160 გრ) ფქვილი. ნაბიჯი 2: ფრთხილად გააცალკევეთ კვერცხის ცილა და გული ერთმანეთისგან ორ ცალკე, სრულიად მშრალ და სუფთა ჭურჭელში.

2. 02

   2. ცილის ამოყვანა (ბეზე) ნაბიჯი 3: ცილას დაამატეთ ერთი მწიკვი მარილი და დაიწყეთ თქვეფა დაბალ სიჩქარეზე. ნაბიჯი 4: როდესაც ქაფი წარმოიქმნება, ეტაპობრივად (ნელ-ნელა) ჩააყარეთ შაქრის ნახევარი (100 გრ). ნაბიჯი 5: თქვიფეთ მაღალ სიჩქარეზე, სანამ არ მიიღებთ მყარ, პრიალა და მკვრივ ბეზეს, რომელიც ჭურჭლის ამოტრიალებისას არ გადმოვარდება.

3. 03

   3. გულების მომზადება ნაბიჯი 6: ცალკე ჭურჭელში ჩაყარეთ კვერცხის გულები, დარჩენილი შაქარი (100 გრ) და 1 ჩაის კოვზი ვანილი. ნაბიჯი 7: თქვიფეთ მიქსერით, სანამ მასა არ გაღიავდება, არ გახდება ჰაეროვანი და მოცულობაში არ გაორმაგდება.

4. 04

   გულების მომზადება ნაბიჯი 6: ცალკე ჭურჭელში ჩაყარეთ კვერცხის გულები, დარჩენილი შაქარი (100 გრ) და 1 ჩაის კოვზი ვანილი. ნაბიჯი 7: თქვიფეთ მიქსერით, სანამ მასა არ გაღიავდება, არ გახდება ჰაეროვანი და მოცულობაში არ გაორმაგდება.

5. 05

   მასების შეერთება და ფქვილის დამატება ნაბიჯი 8: ათქვეფილ გულებს ეტაპობრივად დაამატეთ ბეზეს (ცილის) მასა. ნაბიჯი 9: მნიშვნელოვანია: გადადეთ მიქსერი გვერდზე! გამოიყენეთ მხოლოდ სილიკონის ან ხის ნიჩაბი. ამოურიეთ ძალიან ნაზად, ქვემოდან ზემოთ მოძრაობით, რომ ჰაეროვნება არ დაიკარგოს. ნაბიჯი 10: წინასწარ 2-3-ჯერ გაცრილი ფქვილი 2-3 ეტაპად დაამატეთ მასას და კვლავ ნაზი, წრიული მოძრაობებით (ქვემოდან ზემოთ) შეურიეთ ერთგვაროვანი ცომის მიღებამდე.

6. 06

   გამოცხობა ნაბიჯი 11: 24 სმ დიამეტრის საცხობ ფორმას ძირზე ჩაუფინეთ პერგამენტის (საცხობი) ქაღალდი (გვერდებზე ცხიმი არ წაუსვათ, რომ ბისკვიტი თანაბრად ამოვიდეს). ნაბიჯი 12: ჩაასხით ცომი ფორმაში და შედგით წინასწარ 180°-ზე გახურებულ ღუმელში. ნაბიჯი 13: გამოაცხვეთ 30-35 წუთის განმავლობაში. პირველი 20-25 წუთი ღუმელის კარი არავითარ შემთხვევაში არ გააღოთ, თორემ ბისკვიტი დაჯდება! ნაბიჯი 14: მზადყოფნა შეამოწმეთ ხის ჩხირით (შუაგულში ჩაარჭეთ — თუ მშრალი ამოვიდა, ბისკვიტი მზადაა).

7. 07

   გაციება და დაჭრა ნაბიჯი 15: გამოღების შემდეგ ბისკვიტი ფორმაშივე გააჩერეთ 10-15 წუთი, შემდეგ ფრთხილად შემოსჭერით დანა გვერდებზე, ამოიღეთ ფორმიდან და გააციეთ ბადეზე. ნაბიჯი 16: სრულად გაციებული ბისკვიტი გაჭერით 2 ან 3 თანაბარ ფენად (სურვილისამებრ, შეგიძლიათ შეიხვიოთ საკვებ აპსკში და შეინახოთ მაცივარში მთელი ღამით, ასე უფრო ადვილად და იდეალურად იჭრება).